الثلاثاء، 29 ديسمبر، 2009

7amza yusuf

الجملة دي قالها الشيخ حمزه في مؤتمر في تورونتو و اعتقد كان يقصد بيها حوار اوباما ده كله
the more things change.....the more they stay the same الحمدلله"
حبيبي يا حمزه انت اللي فاهمهم ;)

الأحد، 27 ديسمبر، 2009

الجمعة، 11 ديسمبر، 2009

the best of youth--le meglio gioventu



انتهيت أول امبارح من مشاهدة فيلم
la meglio gioventu--the best of youth
أو (الأفضل من الشباب) الفيلم جميييييييييييييييييييييييييييييييييييييييييييل جدا و ده كان انطباعي العاطفي عنه و بما اني مش بافهم في السينما و مش هاعرف اقعد اقول ايه اللي خلى الفيلم رائع و ايه هي عوامل نجاحه.......الأشياء البسيطة اللي نجحت في اختراق قلبي و التأثير في مثل الموسيقى الرائعة
oblivion--astor piazzolla
او الصورة و الملابس و الالوان و كفاية بطل الفيلم اللي علق في دماغي و فضلت متقمصه شخصيته كام يوم
الفيلم ايطالي بيحكي اهم التغيرات اللي مرت بيها ايطاليا ممن خلال قصة اسرة ايطالية بيركز فيها على الشقيقين ماتيو و نيكولا كاراتي من اول دراستهم في الجامعة(ماتيو بيدرس الادب و نيكولا بيدرس الطب النفسي) و بعدين رحلة نيكولا الى النرويج عشان يتفسح في اوروبا و ترك ماتيو للجامعة و انضمامه للشرطة و البنت المجنونة اللي ماتيو قابلها في مستشفى المجانين و انه حكى لاخوه عن المعاملة السيئة و الاستغلال اللي بيحصل للمجانين في الاماكن دي فبيرجع نيكولا بعد ما يبقى دكتور نفساني يغير على المستشفى بصحبة فرقة من الشرطة و يفضحوا سوء المعاملة و يحاكموا الدكتور و ياخد سجن كام سنة بسبب اللي عمله في العيانين
الفيلم طويل جدا و صعب اتكلم عليه كله لكن اكتر جزء أثر في انتحار ماتيو و اكتئابه و انعزاله عن اهله و اسرته و بالذات بعد تأثير الانتحار ده على أسرته........الجزئية دي قعدت أعيد و أزيد فيها من كتر جمالها.......و كمان لما صديق نيكولا الخبير الاقتصادي(مش فاكره اسمه كارلو أو بيرتو) بيتهدد بالقتل و بيرفض يسيب ايطاليا و بيقول ان لو كل الناس الكويسة مشيت هيفضل مين يعني(مش بالظبط كده بس ده اللي فهمته)...و ده بيتعاكس مع اللي هينصحه دكتور الجامعه مدرس نيكولا ليه لما يقوله(لو انت طموح و عايز تنجح سيب ايطاليا.......ايطاليا دي بلد لازم تتدمر......لازم تتدمر و يتعاد بناءها من جديد)
برضه لما نيكولا بيدخل مستشفى المجانين و بيغير الاوضاع فيها واحدة واحدة و يحاكم الطبيب مستغل المرضى......التلات جزئيات اللي فاتوا غيروا نظريتي القديمة عن اني لازم اسيب مصر و دعوتي الدائمة(رب اخرجني من هذه القرية الظالم اهلها) و ادتني احساس ان لسه في سبب عشان اقعد
كمان في اخر جزء من الفيلم نيكولا الطبيب النفساني بيروح عشان يحدد حالة احد المساجين و هل هو مجنون او لا و بناء على ذلك يتحدد مصيره من السجن........المسجون في الاخر بيقوله ان هو مكانش يعرف ان اللي بيعمله ده يعتبر رشوة و انهم طول عمرهم بيتلقوا عمولات مقابل خدمات و ان فجأه بقدرة قادر بقى اسمه حرامي(الجزئية دي الحوار بتاعها كله عبقري)لكن احلى جزء لما يقوله
(دي ايطاليا مش انا اللي عملتها كده و لا انت كمان......اباؤنا هما اللي عملوها كده)..الدكتور يرد(ابويا لأ)فيرد السجين(انا متأكد ان ابوك كان راجل أمين.......و انت كمان بتحب انك تحس انك انسان أمين...صح؟) و يروح مصقفله بأيده.........
اللينك ده في روايه احسن لأحداث الفيلم بدل روايتي المتلخبطة و لينكات تنزيل للفيلم و في ترجمه عربي.......الفيلم طويل ست ساعات لكن مستحيل تزهق فيهم بسبب ترابط الاحداث القوي
http://vb.eqla3.com/showthread.php?t=461515


الأربعاء، 9 ديسمبر، 2009


الجمعة، 4 ديسمبر، 2009

جهاد الخازن على القناة الاولى

لم أشاهد التلفزيون المصري منذ سنين طويلة.........بالصدفة علمت ان القناة الأولى ستستضيف الكاتب جهاد الخازن........أهمية الضيف تجعلنا نتحمل الفرجة على الكارثة المسماة بالتلفزيون المصري..............جهاد الخازن ده من اكتر الكتاب اللي بحبهم انا باقراله من و انا عندي 14 سنة.........بس انا هاموت و اعرف ايه اللي خلاه يطلع في التلفزيون المصري؟؟؟؟؟معلش بأه يمكن مكانش يعرف.........طبعا المذيع بيستظرف و بيتفزلك و ده اكره ما علي في أي مذيع....يا أخي ما تقدم و تخلص لازم تعمل فيها خفيف و ظريف و مثقف................كفاية الكلمتين اللي انهي بيهم البرنامج(كلام مسؤول كلام مسطول مش عارفة ايه).......و بعدين جيه في نقطة المذيع و سأله اسوأ خبر سمعته في حياتك و قاله (ضياع القدس) و كان بيعيط و متأثر و دي بصراحة جديدة علي اني أشوف أي صحفي بيعيط عالتلفزيون عشان ضياع القدس........غالبا اللي بيعيطوا عالتلفزيون المتدينين في برامجهم و الناس اللي اتضربت بيوتهم و اتقتلوا اهاليهم.........يعني الموضوع حسسني ان ضياع القدس ده حاجة احنا مش مديينها اهميتها(قضية فلسطين كلها بقت حاجة مملة و الناس مطنشاها بوجه عام).........بعدين جابوا تقرير .......و بصراحة التقرير كله وقع من وداني(مسمعتش منه اي كلمة) التقرير برضه كان غبي و انا لما باحس بالغباء في أول كلمتين باصم وداني عن باقي الكلام..........تسعة و تسعين في المية من كلام المذيع مش سمعته انا مكنتش طايقه المذيع من الاول و بعدين دي حاجة ملحوظة في التلفزيون المصري يجيبلك ضيف تقيل و مهم و مثقف و بتاع و مذيع غير مؤهل لمحاورته(كفاية الاسئلة الغبية).......اجابات جهاد كانت تغني عن الاسئلة........بس الراجل كان بسيط و خد المذيع على قد عقله......المفروض الهيئة اللي بتعين المذيعين في تلفزيون مصر دي تتنسف

الأربعاء، 2 ديسمبر، 2009

كثيرا ما أفكر مرارا و تكرارا في مسألة التعليم في مصر.....او بالأحرى ذلك الهوس غير المنطقي في السعي وراء قطع ورقية.......لماذا يهتم المصريون بالتعليم لهذا الحد؟؟.......لأنهم يهتمون بالشهادة.......حسنا و ما المهم في الشهادة؟؟؟؟من الواضح ان العائد المادي للشهادة غير مواز(في غالبية الاحوال و يمكن أخذ كلية الطب كمثال) للمجهود المبذول في الدراسة جسديا و ذهنيا و ماديا و نفسيا........اذا في احوال كثيرة السبب مش الفلوس.......حسنا ربما يكون السبب التقدير الاجتماعي و المكانة الاجتماعية.....فلنفترض ان هذا هو السبب......هذه الفكرة تطرح علي سؤالين:
1-لماذا يقيم المجتمع ابنائه بناء على درجاتهم العلمية في نظام شهد الجن الأزرق بفشله(هذا الاجابة تحتاج الى خبراء في التاريخ المصري و اختصاصيين في علم النفس لتحديد ما الذي أوصلنا الى هذة المرحلة) و بالتالي الموضوع يخرج كثيرا عن قدراتي الفكرية المحدودة.
2-لماذا يقيم المواطن المصري نفسه بناء على رأي المجتمع فيه؟؟لماذا يحتاج المواطن الى اعتراف من المجتمع ليرفع ثقته بنفسه و احساسه بالكرامة؟؟لماذا يعتبر الكثيرون بان فشلهم او نجاحهم منوط برأي الاخرين فيهم؟؟هل المواطن منزوع الكرامة الى الدرجة التي تدفعه لبذل ذلك المجهود الخرافي سعيا وراء رد الاعتبار؟؟
أعتقد ان معايير تقييمنا كأفراد لأنفسنا مختلة اختلالا شديدا و منهارة
في نفس الوقت معايير المجتمع مختلة ايضا و لكن اختلال المجتمع هو نتيجة لاختلال الافراد و ليس العكس.....أعتقد ان على كل من يشعر بالاحباط نتيجة لفشلة في تحصيل ما يسمى بالمجموع او الاتحاق باي كلية ....مرموقة كانت ام دون ذلك.........علية ان يغير تماما من معاييره لتقييم ذاته......و يبدأ باصلاح نفسه داخليا.....و مداواة الجروح التي خلفها فيه ذلك السباق الجنوني في التعليم او الحياة في مصر بشكل عام......عندما ننصلح من داخلنا ستتغير الامور خارجيا من حولنا و ان لم تتغير ستتغير نظرتنا لها و تعاملنا معها مما سيجبرها ان تتغير غصبا عنها........في النهاية اذا فشلت في نظر المجتمع فالاهم ان لا تفشل في نظر نفسك......قيمة الانسان أكبر كثيرا من أن تختزل في قطع ورقية لا تعني شيئا و لا تمثل شيئا على الاطلاق.............................

الأحد، 29 نوفمبر، 2009

um so sick of my empty meaningless life

السبت، 28 نوفمبر، 2009

عندما أبكي على اشياء مفرطة في الغباء......عندما اكون حساسة بشكل غير مسبوق........أعتقد ان هناك العديد من المشاكل التي لم يتم حلها بعد......التجاهل و النسيان و ادمان التلفزيون و النت ليس حلا بالنسبة لي.......من الواضح انني فقدت قدرتي على الاحتمال و وصلت الى نقطة الاختلال........على فعلا ان احدد اين سأذهب من هنا..........معظم الكلام الذي اقوله ليس ذا قيمة بل و يتم اساءة استقباله من قبل المحيطين فيحدث ضررا اكثر..........اعتقد ان علي ان أسكت و هذا ليس اكتشافا حديثا بل حقيقة تثبت منها منذ زمن بعيد...........و لكن التنفيذ صعب.......في نفس الوقت اذا كنت سأسكت فكيف ستحل المشاكل..........اعتقد انني احتاج للمساعدة بشدة........قلبي و روحي يحتضران و لا أدري ......لا أدري ما العمل او السبب......و احيانا لا أدري انهما يحتضران من الاساس

السبت، 7 نوفمبر، 2009

افكاري بتتقلب رأسا على عقب

بكره عندي امتحان و تعبت من المذاكرة فتسللت لكتابة البوست ده.....انا حاليا في مرحلة انذهال تام و استسلام و افكاري كلها بتتقلب راسا على عقب....سواء المرتبطة بالتاريخ و حركات التحرير القديمة اللي طردت الانجليز و الفرنسيين زمان ايام الاحتلال و فجاة لقيتها مجرد استبدال لاوروبا بامريكا.....او موقفي من التلفزيون و السينما اللي طول عمري باحبهم و مرة واحدة افكاري ضربتها عاصفة و كل قناعاتي اتخسف بيها الارض
من كام شهر بس لو كنت سمعت كلام من نوعية "المفروض التلفزيون ميدخلش البيوت"
"الاولولية لتعلم علوم الدين مش علوم الدنيا"
كنت هاقول مين المتخلف اللي بيقول كده........دلوقتي انا باحاول احدد انا هاقف فين بالظبط....انا لا ازال في مرحلة التعلم و لسه منفتحة لجميع الاراء و لكن ادين بالشكر لحمزة يوسف لان كلامه غير نظرتي و استيعابي للعالم و الحياة باكملها و خاصة محاضراته
making sense of our past
http://www.youtube.com/watch?v=aAqf7YLLrNc
peace in troubled times
http://www.youtube.com/watch?v=_s4QLIr8NAc
be great people
http://www.youtube.com/watch?v=Uemqh33nuBI&feature=related


الجمعة، 25 سبتمبر، 2009

اي كلام و خلاص

رأي متأخر جدا :اوباما جه زار مصر و القى خطبة و الناس انقسمت نصفين ...ناس قالوا ده مش هيفيدنا بحاجة و اللي صدقوه دول سذج و ناس تانية صدقته..........الخ.........انا مفرقش معايا اي من الرأيين بس انا لحد دلوقتي مش قادرة افهم هو جه مصر ليه؟؟؟؟؟اصل حوار ان هو ييجي و يلقي علينا خطبة ده جديد علي تماما.........فكرة الخطاب دي نفسها بتتطلب انك تعامل اللي قصادك على انهم بني ادمين بيفهموا و عندهم عقل و انت تخاطب عقولهم........و دي فكرة جديدة علينا تماما
دلوقتي بدأ الكاونت داون و انا باعد الايام لحد ما الدراسة اللعينة تبدأ.....انا شبه باحترق داخليا بس معلش...و لما احب اصبر نفسي اقول:معلش هما تلات سنين بس!!!!!!!!!!!!!!!!!تلات سنيين؟؟؟؟؟لييييييييييييييه؟؟حرااااام كده اوففففففففف....انا مش قادرة اتقبل الفكرة و عماله اخد في مغيبات للوعي زي كتر القعاد عالنت ...........يعني مش كفاية ذكريات سنوات الدراسة في المدارس..لأ كمان هتتضاف ذكريات محبطة جديدة لانج من انتاج ايام الجامعة ........قالك احلى أيام!!!!!!!!!!
الحمد لله.....قدر الله و ماشاء فعل....لا بتهيألي العبارة الانسب لوصف الوضع: انا لله و انا اليه راجعون

الأحد، 20 سبتمبر، 2009

بونويل مرة اخرى

اقتباسا عن حميد عقبي
"بونويل لم يكن يوماً مومناً بالدين او الاله، هذه الاشياء لا تعني له شيئاً، هو يستغل الرموز و الاساطير الدينية للتهكم و السخرية من الدين و اظهار ضعفه و عجزه عن فهم الانسان، يعتبره احد اهم العوائق التي تنتج التابوهات لاعاقة ممارسة الانسان للذة والحرية، بونويل في كل افلامه يركز على عدم وجود انسجام بين التعاليم الدينية، الانظمة الاجتماعية و الحاجات الحقيقية للانسان.في هذا الفيلم و كل افلام بونويل، تظهر حالة المجتمع مقسومة الى طبقة فقيرة معدمة و اخرى برجوازية مترفة، استطاعت الاخيرة عقد تحالف و ثيق مع رجال الدين لتمسك بالسلطة و الحكم، في المقابل يعرض الدين على الفقراء و المعدمين نوعاً من الوهم و المخدر كي تظل خاضعة ذليلة تخدم الطبقة الغنية المتسلطة والديكتاتورية، من اجل الخلاص يدعو المخرج لثورة شاملة و تدمير هذه القيم الرجعية اي البرجوازية والتدين السلبي كونهما وجهين لعملة واحدة."



"عانى بونويل من متاعب كثيرة بسبب عداوة الكنيسة و احزاب اليميين المتطرفة رغم ذلك واصل مسيرته كشاعر ثائر فوضوي، يسعى من خلال افلامه للبحث عن المساوة و العدالة و حقوق الفرد و يعري انانية و قبح البرجوازية و الحكام و رجال الدين "

http://www.algomhoriah.net/atach.php?id=25155

السبت، 19 سبتمبر، 2009

i like my uncle :))

just talked to my uncle for the first time since like a year ,,missed yaa,,,,,,have a good 3eed =))

الأربعاء، 16 سبتمبر، 2009

ths meanless post was just written to make me feel better

wtf??i feel like i just cyber-humiliated myself
i wrote that bullshit comment to like that big guy who didnt bother to say cool...thnx or even anything ...well ***** ***i dont care
i dunno ,,i think um not gonna like cinema no more............jodido bussiness ,,who needs it anyway,,,,n i thought i liked it
wtf?u shouldn't have published in the first place if u ain't gonna reply........aaaaa555555
i hate these entrainmnt business people so full of themselves
sooooooooooooooo i think um starting to feel better now,,that's what i like about this blog i can write whatever the fuck i wanna write
but to tell the truth my comment was probably a piece of crap.......whatever sometims,,it's just BETTER TO SHUT THE FUCK UP AND NOT WRITE ANY COMMENTS

الثلاثاء، 15 سبتمبر، 2009

الأحد، 13 سبتمبر، 2009

it doesn't work out , it doesn't pay off!!!t
ما كل هذه المشاعر المتلخبطة عن الصح و الغلط؟؟؟؟لان الغلط مش حلو والصح مش مجزي
unrewarding(ana elly m2lfaha el klma dee )t
انا احاول ان احكم على كل شيء في حياتي من خلال عقلي..........اتفرج و اسمع او اقرا و بعدين احدد رأيي بناء على ما وصللي..........المشكلة هي اني مش بقيت واثقة في رأيي..........اختلال الثقة بالنفس هي اسوأ مرحلة وصلتلها في حياتي..........و مش ثقة بالنفس بالمعنى الظاهري المنعكس على تعاملاتي مع الاخرين........لا بالمعنى الداخلي...........انا مش باصدق نفسي..........و لما باقول لنفسي حاجة............بابقى مش مصدقاها...........ودي حالة شديدة الرداءة...............ناتجة عن اختلال حاصل بسب تراكمات قديمة كان لازم تتصلح في ساعتها و اتركنت..............ولهذا انا من اعداء التأجيل و التخدير و التعاطي و كل ما يمنع حل المشاكل في وقتها
المهم.......انا قد اوفق احيانا في تحديد الصح و الغلط و عندما يأتي الشق التنفيذي تأتي النتائج عكس التوقعات تماما.....من المفترض ان يشعرك الغلط مثلا بسعادة مؤقتة بعدها ذنب....وهذا لا يحدث..........لا سعادة و لا ذنب............و الصح من المفترض ان يكون مجزي...ومجزي بطريقة داخلية شتعر فيها بالامتلاء في روحك..............ان مفيش حاجة فاضية جواك................وهذا لا يحدث
غالبا نحن نبدأ بالصح و ليس بالغلط على عكس اعتقاد الجميع.......لكنه لا يجزي.....على الاطلاق ....بل يتركك مثقوبا...مليئا بالفراغات التي تحاول احتضان اي مخدة او اي حاجة عشان تسدها....بس مفيش فايدة............تتجه للغلط.........غير مجزي على الاطلاق و لكن نسجل في حقه انه غالبا ما يعطينا السعادة المؤقته.................و بعدها المزيد من الضرر
more damage
التدمير الداخلي التدريجي...........لا يوجد اسوأ من ذلك.......ويؤدي هذا الى مزيد من ضعف الثقة بالنفس.......الى مزيد من التراكمات.......الى مزيد من الاختلال............وتبدأ الفقاعات بالتصاعد على السطح.........و تبدأ الاعراض في الظهور في الواقع.........و التأثير السيء في حياتك الحقيقية.........و عدم القدرة على التركيز و العديد من المشاكل في التواصل مع الاخر

الخميس، 10 سبتمبر، 2009

للأسف تلقيت النهاردة واحد من أسوأ الأخبار في حياتي............انا متقبلتش في الاكاديمية اللي انا عايزاها
و لتوضيح الامور هاقول اني السنة اللي فاتت كان المفروض اخش ادرس جنب البيت و لكن لأن المكان اللي جنب البيت سمعته وحشة فقدمت في مكان بعيد جدا و استهترت بالمسافة لكن بعد ما رحت اتبهدلت عرفت المصيبة اللي وقعت نفسي فيها
اااااااااااااااااااااااااااااااااه
و كنت حاطة امل اني احول و لكن النهاردة و الحمدلله تلقيت الخبر المفزع بانهم مش هيقبلوا تحويلات و بالتالي............هاكمل في البعيدة...................اخخخخخخخخخخخخخخخخ................جاتلي حالة صدمة لما سمعت الخبر و بعدين بكاء و حزن كانه انهيار و بعدين........تتنييييييييييييييييييح و لحد دلوقتي لسه مفقتش و لسه مش مصدقة!!!!!!!!!!!!!
و كل شوية باتخيل ازاي هاقضي السنين الجاية مستحملة المشوار ده
ّ!!!!!!!!!!!!!!!!!!!!!!
و كل شوية تتعاد علي ذكريات السنة اللي قاتت اللي قضيتها في المكان البعيد اللي كانت المسافة على كبرها اقل عيوبة..............وقال ايه سمعته كويسة....على ايه بس؟؟؟......واكتشفت النظرية الفاشلة اللي اسمها "اسمع كلام الناس" اللي ودتني في ستيييييين داهية.......وانصح الجميع بسماع رأي المنطق بدلا عن الناس

الأحد، 6 سبتمبر، 2009

نقد رائع لفيلم اروع


في موقع ورشة سينما قريت النقد ده :
http://cineworkinst.eu/%D8%B3%D9%8A%D9%86%D9%85%D8%A7-%D8%A7%D9%84%D9%82%D8%A7%D8%B1%D8%A7%D8%AA/hameedartbunuel/
لفيلم لويس بونويل : فرديانا للناقد اليمني حميد عقبي
يمكن بسهولة اسقاط احداث الفيلم على الواقع المصري من خلال قراءة النقد بس..بس بصراحه لسه مشفتش الفيلم رغم اني هاموت و اشوفه

الجمعة، 4 سبتمبر، 2009

ظاهرة اجتماعية تستدعي مزيد من البحث

كنت لسه باتابع على اليوتيوب "صراعات المتدينين"......كان امرا مثيرا للاهتمام.........انا الصوت عندي في الجهاز مش شغال فمش سامعة حاجة و قعدت اقرا الكومنتات.............في الاول كان تقريبا محمد حسان بيشتم او ينتقد عمرو خالد و عمرو مردش .......و بعدين كان ابو اسحاق الحويني بينتقده برضه............و برضه عمرو مردش..........و عامة الكلام كله مفرقش معايا بحاجة.........بس الموضوع اثار انتباهي عشان اقارن بين نسب المشاهده على اليوتيوب.........من الواضح ان نسب شيوخ السلفية اعلى بشوية..........المذهل بالنسبة لي في الفكر السلفي.......انه نجح في اختراق مصر..........بسرعة الصاروخ و كالنار في الهشيم..........على الرغم من ان المصريين على طول بيعيدوا و يزيدوا في قصة التاريخ و الحضارة و السبعتلاف سنة.........بعدين ييجي فكر معارض (تماما تماما) لكل الأسس التي قامت عليها الحياة الاجتماعية المصرية و التقاليد و العادات و الركام الثقافي بتاع السبعتلاف سنة.........و يقلب البلد راسا على عقب...............طب ازاي؟؟؟؟
طبعا هو مدعوم بالفلوس محدش يقدر يقول حاجة.........بس المال وحده لا يكفي.......في ناس غير مستفيدة بشكل مباشر من اموال الصحراء.......و بتتبع لانها مؤمنة و مقتنعة..........و هذا امر اقل ما يقال عنه "انه مذهل بجد".....و ده بيوضح ان اهل الصحراء لقوا السكة سالكة...........و المصريين دماغهم فاضيه............فاخترقوا.....و المصريين صدقوا ان هما كده هيخشوا الجنة.........فاتبعوا...........بس انا بجد نفسي الاقي دراسة اجتماعية متخصصة يقوم بيها ناس من الداخل توضح الظاهرة دي بشكل اوضح

http://www.youm7.com/News.asp?NewsID=132959
المقال ده رغم اعتراضي على الهجوم و التريئة اللي فيه اللي بتجرح الموضوعية
و رغم انهم منشروش الكومنت بتاعي
و رغم انه طويل
بس انصحكم تقروه

الخميس، 3 سبتمبر، 2009

اهلا بكم في مصر

في مصر.........لا يعلموننا شيئا...........لا يرشدوننا و لا يوجهوننا..........وفجأه.............يلقون بنا في مهب الريح و يضعوننا في قلب الحدث و يتوقعون منا الاتقان................يتركوننا تائهين وسط الدوامة و ينتظرون منا النجاح........و غالبا نفشل....وعندما نفشل...يقتلوننا تدريجيا بنظراتهم المؤنبة

الثلاثاء، 18 أغسطس، 2009

الخميس، 13 أغسطس، 2009

أسوء حاجة في العالم الوحدة.......في اللي يقولك الوحدة خير من الصديق السوء بس انا بدأت اشك في الكلام ده.يعني الوحدة بتخليك تقدم تنازلات بتخسر فيها يمكن اكتر من اللي بتخسرة مع صديق السوء.والصداقة علالنترنت...ممكن بس مش اوي

الخميس، 6 أغسطس، 2009

المنتجات المصرية عديمة الجودة

دي مش الصناعة المصرية بس........جتى المنتجات الاجنبية اللي بتتباع في مصر........و حتى الماركات الشهيرة.......كله مضروب........و مع ذلك الاسعار غالية..............انا زهقت كل ما اشتري حاجة متكملش معايا شهرين.............و كنت الاول من أصحاب نظرية الغالي تمنه فيه بس السوق المصرية الواعدة نجحت في تدمير كل قناعاتي الاقتصادية..............و الموضوع كله حظ............و بالنسبة للماركات فدي مبقتش تصلح حتى للمنظرة لأن الحاجة بتبوظ في خلال شهر يعني قبل ما تلحق حتى تتمنظر بيها.........الله يحرق التجار و الحررامية كلهم............نشوف فيكي يوم يا صين يامعفنة يا اللي منتجاتك معفنة...........

لا للعيال الدحيحة

انا كتبت هذا الكلام من شهرين و عدت الان في اكتوبر2009 لأتراجع عنه.......فهو كلام لا يقدم و لا يؤخر مبني على الحقد الغير مبر لأي سبب من الاسباب......اتمنى ان يوفق الله الجميع للأفضل.........

بصراحة من أكره ما علي العيال بتوع 99% و 100%
نوع من أنواع الحقد الطبقي بأه..............زي ما الفقرا مثلا بيحقدوا على متوحشي الثراء المليارديرات.........احنا كمان صحاب 80% و 70% من حقنا نحقد على معشر الدحاحين..........و ياسلام لو يتم عزلهم عن المجتمع...............او نحفر خندق نرميهم فيه...........نياهههههههههههههههههه...........ما هما لو مكانوش بيدحوا مكانتش المجاميع اترفعت من الاساس...........يعني هما اللي صعبوا الدنيا علينا...............الله يحرقهم
المنافسة عمرها ما كانت شريفة و لا الفرص متكافئة...........دروس خصوصية...........مدرس شاطر و مدرس لأ............ظروف البيت...........واحد عنده أوضه لوحدة و واحد لأ...............مدارس خاصة و مدارس حكومة...........تعليم خاص و تعليم حكومي.............و حاجات كتير اوي بتلغي تكافىء الفرص.......و في قدرات......يعني في ناس بتعرف تحفظ و تصم..............و ناس معندهاش القدرة دي..........و عندها قدرات تانية بدالها لا تؤخذ في اعتبار الممتحنين اللي بيقيسوا قدرات الحفظ بس
واحد يقوللي....طب الطلبة ذنبهم ايه؟؟؟؟هو الواقع كده و هما بيدوروا على مصالحهم.........يا سلام...........و هي مصر باظت من شوية..........ماهما زيهم زي اي موظف بيسمع الكلام...........و مش مهم كل الكلام ده............بس انا باستغل المساحة دي عشان اعبر عن احتقاري و مقتي ليهم..............يا دحيحة يا معفنيييييييييييييييييييين...........نياههههههههههههههههههه
و اخيرا...............مقال عبقري للعبقري عمر طاهرفي جريدة الدستور....طوبى لأواخر الثانوية العامة
http://dostor.org/ar/index.php?option=com_content&task=blogcategory&id=13&Itemid=51

الأربعاء، 29 يوليو، 2009



خناقة في المترو

امبارح و انا راجعة كان في خناقة في المترو...المترو كان زحمة اوي غالبا ده كان سبب الخناقة الرئيسي بس انا مش فاكرة ايه اللي حصل بالظبط ......كان في بنتين محترمتين و بنات تانية واضح انهم مش متربيين و عندهم عقدة النقص و الحقد الطبقي اتضح ده من جملتهم "يعني هما جايين من الزمالك و المهندسين" او مش كده بالظبط بس حاجة شبهها
الموضوع تطور لضرب و البنت المش متربية قطعت للبنت التانية الكم بتاعها () بس في البداية كان في حدف كلام و بعدين زق و بتاع ..بس اللي لفت انتباهي ان كل الناس عايزة تشارك.....ده اللي استغربته .انا الخناقة كانت جنبي بالظبط و لا ركزت و لا بصيت و لا فرق معايا بحاجة....بس اللي حواليا كل واحد عايز يتدخل و كل واحد عايز يدلي بدلوة...المهم البنت اللي الكم بتاعها اتقطع اتغاظت راحت حادفة الكانز و هي مليانة على البنات اللي ضايقوها في الاول و هما بينزلوا في محطتهم في المترو راحت الكانز خبطت في دماغ -و كان ممكن عين- واحدة ست تانية كانت نازلة هي كمان راحت واحدة ست تبع الست المخبوطة راجعة و ضاربة البنت و بعدين طلعت بسرعة قبل ما باب المترو يقفل
راحت واحدة تانية خالص كبيرة شوية في السن ملهاش علاقة بأي حاجة قعدت تتخانق مع البنت و تزعقلها و" افرض انا او امي او اختي كنا مكان الست اللي اتخبطت" و "حرام عليكي كان ممكن عينها تروح" و البنت ترد بزعيق برده"و انتي فكرانة مبسوطة ده كان ضيق جوايا عشان هما ضربوني و بتاع و مكنتش اقصد انها تيجي فيها" و الست الكبيرة محموقة قوي و بتتكلم بعنف و بتزعق و بتاع
انا باحس ان المصريين معندهمش الفرصة الكافية للتعبير عن رأيهم فبيعبروا عنه فياقرب فرصة.......عندهم "كبت رأيي" لول....و الله معرفش بس انا استغربت انه كله عايز يشارك و يقول رأيه في الخناقة حتى انا في اخر الموضوع خالص اتأثرت و كنت شوية و هاتكلم رغم اني مليش دعوة خالص
بس التساؤل الاهم.......(هو ربنا خلق الناس البيئة دول ليه؟؟)

الخميس، 23 يوليو، 2009

هنقول ايه بس......ربنا يرحم افريقيا
حرام كده والله مكتوب عليهم العذاب من يومهم

أهلي في أفريقيا :أتمنى لكم جميعا حياة أحلى








على فكرة اللي خد الصورة دي انتحر



الأربعاء، 22 يوليو، 2009

عندما لا تجد شيئا تكتبه.......فلا تكتب شيئا
تذكرت هذا و انا على وشك كتابة كلام سخيف و غير مهم عشان يبقى اسمي كتبت رسالة جديدة عالبلوج

الاثنين، 20 يوليو، 2009

أشياء أكرهها في بلدي:
1-لا أحد يحاسب أحدا .........مفيش قانون و تسبب ذلك في كثرة المشاكل في كل شيء و أي شيء
2-الناس الحشرية التي تعتبر حشريتها حق مكتسب....يعني في واحد حشري عارف ان تدخله في شئون الاخرين و أسئلته السخيفة اللي ممكن تحمل عشرين دلالة كل واحدة فيهم ارخم التانية و يصبوا جميعا في حشريته على الطرف الاخر..........او انه يتحشر عن طريق الغيبة و النميمة و يقعد يسأل في كلام ملوش فيه و صاحب الموضوع الاصلي غايب(النوع ده احسن)..........يكون الشخص ده عارف ان التصرف ده بجاحة بس بيعمله...........يعني عارف انه بيعمل حاجة غلط بس بيعملها
ناس تانية حشرية و بتتحشر و بتسأل أسئلة بجحة باستحياء.......يعني عارفه انها غلطانة و عندها شوية دم فمش بتبجح اوي
النوع التالت بأه البجح اللي مش عارف انه بجح او الحشري اللي عارف انه بيتحشر بس عادي ما انا من حقي اقول اللي يعجبني .........النوع ده بيجنني...........يعني ازاي يبقى تدخلك انك يا غرييييييب في شؤوني الخاصة........حق......... و مكتسب كمان؟؟
3-الشكووووىىىى.......ياريت نبطل شكوى
مش بالظبط الشكوى يمكن هي شيء ما بين الشكوى و البرطمة و احنا بنكثر منها

بس كده

صديق على الانترنت

صديق على الانترنت.....يختفي في ثواني و يظهر في ثوان.....يتعلق قلبك برمز على الماسنجر.....العلاقة لا تتخطى الصداقة ....و الكلام محترم تماما حتى و ان لم تكن هناك رقابة و لكن....غرابة و سيلة اللقاء ادت الى غرابة المشاعر.........مشاعر عصية على التعريف.........انه تعلق ليس اكثر.......و لكنك لا ترغب في تعريف مشاعرك و تستمر في تسميتها صداقة و ان كنت ترى نفسك كاذبا في قرارة نفسك ....لا يهم.........انت مع نفسك اكذب اذا كما تشاء
لا تهم كثيرا المعلومات الشخصية...........الاسم و السن بل تقريبا لا يهم اي شيء......انت حر تكلم من تريد و تأخذ منه ما تريد......و ان لم ترغب بأحد تتركه ان لم يرغب بك أحد يرفضك.....تذكر دائما ان الرفض على الانترنت اقل ايلاما بكثير
من الصعب ان تحدد موقفا......اقابله ام لا اقابله........اعطيه رقم الهاتف او لا اعطيه.........اصدق أو لا اصدق.......احيانا تخاطر و احيانا تتوخى الحذر.....لا بأس........انت مع نفسك......براحتك
لقد خرج......... folan appears to be offline
و خرج جزء منك معه.............لم تتمكن من توديعه............ربما انقطع النت فجأة.......ربما اضطر للقيام لاي سبب طارىء......ربما مل منك و قام بحظرك......و لن تتمكن ان تعرف الا في المرة القادمة التي يدخل فيها ...............و حتى ذلك الحين انتظر او اشغل نفسك بصديق اخر
علاقة مليئة بالمخاطر لكنها خالية من الضغوط و مريحة مليئة بالتوقعات
ضغوط و توقعات؟و ايه يعني ؟؟طز.....
و هل يوجد احلى من المخاطرة........take the risk wala yhmk

الخميس، 25 يونيو، 2009

لو مش عاجبك او عندك اي اعتراض.........طزززززززززززززززززززززززززززززز
HABLALO CON MI ABOGADO!!!!!!!

الأربعاء، 24 يونيو، 2009

اتكلم هنا عن الافلام المصرية القليلة جدا اللي شفتها

في فترة من الفترات كانوا لما يمدحوا فيلم يقولوا عليه"ده الفيلم الجاد" و قصته مش مسروقة و بتاع(و كأنها تعتبر ميزة) ......على اساس ان الطبيعي مثلا ان الافلام تكون هبلة......و بعدين مين اللي بيحدد الجاد من الهايف....و الجاد بالنسبة ليك ممكن ميعجبنيش و اعتبره هايف

تاني حاجة....دايما يشتكوا من سرقة افكار الافلام الاجنبية....ماعتقدش ان المشكلة في السرقة لان في وقت من الاوقات اكيد كان في جزء من الجمهور مشافش الفيلم الاصلي قبل كده.....فاكيد داخل ابيض.....و رغم ذلك برضه الفيلم وحش.المشكلة في التمثيل و السيناريو مش في التأليف و غالبا كتير من الافلام(العربية و الاجنبية) بتبقى مقتبسة عن روايات....يعني تأليف الافكار مش قضية صناع الفيلم....اقتبس براحتك بس ضيف لمستك الخاصة....غير و لو حاجة بسيطة في الفيلم...انما احنا بنسرق الفكرة ومش بنضيف و مش بنعرف ننفذ حتى بدون اي اضافة.......

عامة باحس(و ده احساس شخصي بحت)ان عندنا مشكلة في السرد الممل...انا مش فاكرة اني كملت فيلم مصري(الا من رحم ربي )للاخر...انا غالبا بازهق و اقلب ..و نفسي افهم ليه الفيلم المصري مبيجذبنيش اكمله للاخر؟؟؟(يمكن المشكلة في)؟؟؟

والتمثيل.....احنا اكيد عندنا ممثلين كويسين...بس يمكن محتاجين تدريب اكتر.... اكيد في نجوم كبار محدش يقدر يتكلم عنهم....بس برضه محتاجين نراعي حكاية اتقان التمثيل بالذات في الادوار الثانوية

نقاء الصورة.......تناسق الالوان و الخلفيات مع ملابس الابطال مع كل حاجة على الشاشة....نادرا جدا ان لم يكن ابدا عندما اشاهد فيلم يهتم بهذة الخاصية و ينعكس هذا الاهتمام واضحا في راحة عيني كمشاهد

خالد يوسف--حين ميسرة2

طبعامش هاغفل جزئية اني باحترم ان هو جيه بفكرة جديدة ......و نفذها باتقان على مستوى الديكور على الاقل...و التفت للعشوائيات و يمكن لفت الانتباه ليها.......وحاول يناقش قضية جادة ....بس برضه...المهم عندي في الفيلم تنفيذ الفيلم...النتيجة النهائية .....بغض النظر عن كون الفكرة مسروقة و لا مش مسروقة......انا طبعا هنا باتكلم عن فيلم من افلام خالد يوسف مش عن خالد يوسف ذات نفسه

خالد يوسف--حين ميسرة


انا دخلت الفيلم ده و خرجت منه متضايقة جدا
عشان فلوسي اللي اترمت في الارض(و استمرت في التهاوي بعد افلام على شاكله بوبوس والريس عمر حرب و كباريه و طبعا كابتن هيما)
ده غير الضجة الاعلامية اللي بتصاحب افلام خالد يوسف(بدأت اشك في قدراته الاخراجية مقارنة بقدراته في العلاقات العامة و قدراته الفذة في الدعاية لأفلامه)
حبينا نعمل فيلم عن العشوائيات......ماشي على بركة الله
هو ده فيلم؟؟؟؟؟؟؟؟؟؟؟؟؟؟؟؟؟؟؟؟؟
ده اشبه بعمل تسجيلي سردي رديء ملي بالثغرات و غير مترابط على الاطلاق يكاد تقريبا يخلو من اي فن اللهم الا في الديكور
بطل الفيلم(اعتقد ان اسمه عمرو سعد....هو الواد ابن هالة فاخر) شخصيا اعتقد انه لا يجيد التمثيل
شعور اخر هو (فجاجة) او بجاحة الافلام العربية في كثير من الاحيان ....احيانا اشعر بان هذا بسبب رداءة الصورة و عدم نقاءها و عدم تالف عين المشاهد مع الالوان و شكل الصورة بوجه عام....تناسق الملابس مع الديكور مع كل الحاجات اللي على الشاشة غير محسوس و ربما غائب
و طريقة كلام الممثلين (يمكن حاجة في السيناريو"سيناريو مش لطيف")
بغض النظر عن المشاهد الخليعة (مشوها خليعة )التي اراها مقحمة على السياق و غير لازمة ....تكاد تخلو من اي فن(هذة النوعية من المشاهد في جميع الافلام العربية القليلة التي شاهدتها تكاد تقريبا تخلو من اي فن) و منفذة بشكل رديء(بجح او فج مرة اخرى) يصدم المشاهد و يفصله عن الفيلم و يمنعه من الانسجام و يربكه لدقائق
يعني دلوقتي المشاهد عينه مش مرتاحة و كمان ضميرة بيأنبه(ابص و لا مابصش) و حتى لو ضميرة مش بيأنبه فاسلوب تنفيذ المشاهد نفسها بيخنقه(اللهم الا اللي داخلين عشان المشاهد نفسها) يأما بيضحكه عالهبل ده
عمرو عبد الجليل: احلى حاجة في الفيلم....الراجل ده عمل مجهود جبار في تخفيف اجواء الفيلم و تلطيفه (بالنسبة لي شخصيا).....انا كنت قاعدة باتفرج و حاسة ان في جثه هامدة ملقاة علي من الخنقة.........و لما عمرو كان بيظهر ....الشمس كانت بتشرق شوية لحد ما يظهر سعد و يبوظ الدنيا خالص.بغض النظر عن كون عمرو بيقول افيهات و لا مش بيقول.....هو حضورة لدى الجمهور(لدي انا بس على الاقل) اقوى بكثير من عمرو مثلا
الناس في الفيلم ده رخمة....انا كنت حاسة بالرخامة و انا باتفرج (ده مجرد انطباع مش نقد فني)
ازدحام الفيلم بالقضايا (ييجي و يقولك ما هي العشوائيات قضاياها كتير........خلاص يا اخي اعمل 3 افلام عن العشوائيات تعمل فيلم واحد و تحشر فيه كل ده لييييييييييييييه؟؟؟؟؟؟؟؟؟؟؟؟؟؟؟؟؟؟؟)
انا كل ما كنت باتعرف على قضيه منهم مكنتش بأتزود بالقدر الكافي من المعلومات عنها عشان الحق اتعاطف معاها و اتأثر.......لا كان يروح ناطط عالقضية اللي بعدها طوالي ....فانا ما اتعاطفتش مع حاجة خالص بس دوخت و جالي صداع
وبالتالي ماتعاطفتش مع اي حد في الفيلم(هو مش القصد اننا نتعرف على مشاكل سكان العشوائيات عشان نتعاطف و نحس و نحل مشاكلهم؟؟؟؟؟انا بأه من الخنقة كنت قربت احل دمهم)
نيجي بأه نقارن فيلمنا الجميل بتاع العشوائيات(حين ميسرة) بالفيلم البرازيلي (مدينة الله) ...روحوا اتفرجوا عالفيلم التاني الاول عشان تعرفوا يعني ايه فيلم عشوائيات فيه فن....مش مجرد سرد قوالب للاحداث مجردة من اي ابداع
و الفيلم ده مفيهوش ترابط
مفيش ترابط مفيش ترابط مفيش ترابط
و كفاية كده

و بدايتها مسك

انا مكنتش عايزة اعمل بلوج......بس انا فاضية و عملت واحدو حاليا اتساءل.......متى سأذهب للأرجنتين؟؟؟؟؟؟
على اساس انها بلد عدلة مثلا؟؟؟ما كلها حرامية
يا هاتسرق يا هتخطف
احسن برضه
و بعد هيخطفوا فيا ايه
معلومة مهمة جدااااااااااااااااااا
كولومبيا اقرب اليكم مما تتصورون
و لن افسر معنى كلامي و لكنهم ليسوا بيننا و لكن بالقرب الشديد على مناطق مهمة
و على فكرة موقع الطماطم المتعفنة ده جامد جدا رغم انه غريب شوية
و مفهمتش حاجة من فيلم جوموررا رغم انه خد جوايز كتير جدا
و بالنسبة لفيكي كريستينا بارثيلونا.......الفيلم مذهل على الناحية البصرية و تناسق الالوان و راحة العين و هي بتنظر
بس القصة مش حلوة اوي و لكن اداء بينيلوبي كروز
مذهللللللللللللللللللللللللللللللللله
و اكتر فيلم باحبه دوني داركو

التدوينة الاولى

الدنيا حرررررررررررررررررررررررررر
و الحر ناااار
والحمد لله
و الكرسي تحت الشباك