الثلاثاء، 31 أغسطس، 2010

في العلم, في لحظة الاكتشاف , يستعاض عن المنطق بالحدس. في الفن , كما في الدين , الحدس معادل للاقتناع , للايمان. انه حاله ذهنيه و ليس طريقه في التفكير , العلم تجريبي , في حين أن مفهوم الصور محكوم بفعالية الكشف أو الالهام.
أندريه تاركوفسكي-النحت في الزمن-الفصل الثاني

الاثنين، 30 أغسطس، 2010

امساك

أنا لا أجيد التعبير عن نفسي و أنا أيضا كثيرا ما أصاب بالامساك
الأمران متشابهان
مئات الافكار و المشاعر لا تستطيع الخروج...تتوه و تتلخبط بمجرد الوصول الى الحنجره ثم تخرج أشياء اخرى و توصل للمتلقى أشياء أخرى تختلف تماما عما كنت ارغب في ايصاله
مثل الأكل المهضوم جيدا الذي يعاني حتى يخرج...غالبا ينصحوني بشرب الحليب و منتجات الألبان
هل هناك أفكار و أفلام و منتجات ثقافيه مماثله للحليب و الألبان في عالم الغذاء؟؟
لو حد يعرف يبقى يقوللي

الأحد، 29 أغسطس، 2010

تعدد الزوجات و تعدد الأزواج

كنت باسمع شيخ بيتكلم عن موضوع تعدد الزوجات و في النصف قال انه المانع من تعدد الازواج هو حفظ النسب و لو هنعمل اختبار دي ان ايه فده مكلف جدا و الغالبيه مش هتقدر تتحمل تكاليفه
طب لو الست تقدر تتحمل التكلفه ليه نحرمها من حقها في تعدد الأزواج؟
الموضوع في تصوري هيبقى ست ليها أربع أزواج و كل واحد من الازواج فيه احتمال انه يكون متزوج تلات ستات غيرها.......يعني ستاشر فرد تقريبا.........و كل راجل يعيش مع واحده من الستات شويه و العكس صحيح
يعني حاجه كده زي جمعية تبادل الزوجات بس في اطار رسمي و قانوني
سبحان الله---الغرب لم يصل لموضوع تعدد الزوجات الا قريبا و احنا المسلمون السابقون الأولون واصلين من زمان
و ايه الداعي لاستيراد الافكار من الغرب الكافر و احنا عندنا كل حاجه في ديننا
كنت بافكر في الموضوع ده على خلفيه خبر اعتقال اعضاء تنظيم لتبادل ازوجات رغم انهم ابرياء و بدون أي تهمه و بعدين استحداث قانون لادانتهم-شيء في منتهى البلطجه- يعني سايبين الفساد و الرشوه و المشاكل اللي مضيعه البلد فعلا و جايين يدينوا الابرياء و يحجروا عليهم في حقهم بممارسة حياتهم بالطريقه اللي تعجبهم

الجمعة، 27 أغسطس، 2010

قناعه و اعتقاد لم يصادف ما يستدعي تغييره للان
السينمائييون و العاملون بالسينما هم الافضل بين مجتمعاتهم
ليس كلهم بالطبع
و لكن فئه معينه منهم
السينما تختصر الكثير من الأشياء
السينمائي يشتمل على أشياء أكثر مما يشتمل عليه غيره
و لا لأ؟
كل متدين عظيم يقابله كافر عظيم
ما هي مش بالعظمه أساسا!!

الخميس، 26 أغسطس، 2010

باتفرج على فلم معمول سنة 1900
يااااااااه مجرد احساس الفرجه على حاجه معموله من ميت سنه
و التفكير في الميت سنه نفسهم
و التفكير في الشخصيه اللي قصادي
على فكره الوضع يختلف عن قراية كتاب قديم مثلا.....السينما تجربه مختلفه
بطبعي بأميل للصوفيين أكتر من السلفيين
من بين كل المسلمين اللي اطلعت على أفكارهم....حسيت الصوفيين الوحيدين اللي بيفكروا و يشغلوا دماغهم
باحسهم كده "فلاسفة الاسلام"

موضوعيه؟؟

هل في فعلا حاجه اسمها موضوعيه؟
هو مش التحيز للموضوعيه ده في حد ذاته تحيز بيلغي الموضوعيه مثلا؟
مره قريت لناقد بيقول الموضوعيه متنفعش تبقى في النقد السينمائي لأن الناقد بيقدم رأيه الشخصي و السينما ليست مثل العلوم البحته
طيب ما يسري على السينما يسري على سائر الفنون زي الأدب و الغناء و بالتالي مفيش حاجه اسمها موضوعيه في المجالات دي لأن مفيش صح و غلط مطلق
بالنسبه للعلوم البحته...مش هي أساسا مبنيه على نظريات ؟
يعني كان في نظريتين و العالم اختار نظريه و ساب التانيه-تحيز أهه-و بنى العلم الكامل بتاعه على النظريه اللي اختارها
يعني العلم أصلا مبني على التحيز
طيب و هل ينفع تطبيق الموضوعيه على شيء مبني على التحيز؟
هل في حاجه اسمها فعلا موضوعيه؟
مفيش حاجه مطلقه و كل الأمور نسبيه و مفيش صح و غلط و بالتالي الموضوعيه دي وهم

الثلاثاء، 17 أغسطس، 2010

يعني أنا في عزله اختياريه بقالي عشر سنين تقريبا
وسط الناس أسوء من لوحدي
طب لو مفيش اله هاعمل أنا ايه يعني؟
المشكله-يعني- أنك اذا أخدت مني ايماني بالله...مش هيفضللي غير الناس و دي مشكله بالنسبه لي

الخميس، 12 أغسطس، 2010

ما يسمى ب"الدعاه الجدد"

أكثر شيء لا يعجبني في خطاب من يسمون ب"الدعاه الجدد" أو الدعاه الى " الأسلام الوسطي" هو التبسيط المبالغ فيه للدين و اقتطاع الكثير من القصص أو الايات من سياقها
و عدم التوضيح للمشاهد بأن الدين كعلم يؤخذ كاملا و ليس أجزاء منقوصه و توضيح الفرق بين من هو مؤهل للكلام في الدين و من هو غير مؤهل
لذا تجد في كثير من أتباعهم من يعتقد أنه عالم و يفتي و يتكلم بغير علم كثيرااااا جدا
و يستشهد بالايات و يفسرها و يوضحها و هو غير مؤهل لذلك
انتقل هذا الأمر منهم للسلفيين و بالتبعيه لأتباع السلفيين و لكن قد يكونوا هم من بدأه
لا أدري ان كان هذا التناول التبسيطي للدين حديث العهد أم قديم

السبت، 7 أغسطس، 2010

أجلس الان بقلق على شاشة الكمبيوتر و أفكر في كل المصايب السودا التي تفعلها القطه و أنا نائمه.....