السبت، 30 يناير 2010

الأربعاء، 20 يناير 2010


أنا متغاظه.....
متغاظه جدا لأني مصريه....للأسف دي حاجة مليش اختيار فيها....متغاظه لأني متأكده ميه في الميه ان الجامعه دي تضييع وقت ...و متغاظه لأن أهلي مجبرنني اني اروح الجامعه عشان صوره المجتمع...امال يبقى اسمي ايه يعني؟؟؟؟انا مش عايزه اروح الجامعه و مش مقتنعة بأي فايده للي انا باعمله و مش عايزه اروح تاني .....لكن المجتمع ابن التيييت ده...يعني بأي منطق تبقى الناس كلها بتاخد شهادات جامعيه ليه؟؟؟الطبيعي ان الجامعه معموله عشان الواحد يتعلم...........يبقى لومش بنتعلم منروحش الجامعه.......ايه لازمته بأه تضييع الوقت ده؟؟؟؟و الله انا مش قادره اصدق او افهم او استوعب ازاي الشهاده الجامعيه تبقى وسيله للترقي الاجتماعي؟؟؟نفسي التعليم يرجع غالي و بفلوس تاني و كمان يبقى صعععععععععععععععععب عشان ميخشهوش الا اللي عايزين يتعلموا بجد و اللي قادرين و لو فقرا يبقوا ياخدوا منح لو كانوا شاطرين....انما الامتحانات السهله اللي بتنجح الجميع و تطلع طلبه مبيشتغلوش؟انا عندي الجامعه اللي غالبيه اللي بيتخرجوا منها مش بيشتغلوا تتقفل طوالي.....نفسي بأه نبطل تضييع الوقت في المناظر و الكلام الفاضي ده و نبدأ نفكر في النتايج.....لكن كده اهه المجتكع اجبر واحده زيي انها تدخل الجامعه لمجرد "الشهاده"......."لازم يبقى معاكي شهاده".....

الثلاثاء، 19 يناير 2010

أنا عايزه أروح موريتانيا عشان أشوف الشيخ مرابط الحاج
و ده لينك الجروب اللي الطلبه بتوعه عاملينهاله عالفيس
http://www.facebook.com/group.php?v=wall&gid=93048926337



و دي صورة للشيخ حمزه مع الشيخ مرابط(الشيخ حمزه هو اللي من غير ذقن)

حد يحب ييجي معايا؟؟

الاثنين، 18 يناير 2010

مش عايزه أنام

الساعة داخلة على اتنين و المفروض اخش انام بما اني في وقت امتحانات و المفروض ماضيعش وقت.......لا أرغب بالنوم و لا أطيقه.....لأني أعرف اني سأستيقظ غدا لأجد ما لا أحب......أتمنى لو يصبح الليل أبديا...لا ينتهي....أنا و السكون و الكمبيوتر.......لا أحتاج الكثير من الأشياء الأخرى.....أكره النوم لأنني أحس بالغد.......سيكون مؤلما مثل اليوم الذي سبقه.....اتمنى لو يطول الليل قليلا....و لو هذه الليله فقط......لا أريد النوم لأنني لا أريد للأستيقاظ......لا أريد الذهاب الى الجامعه....لا أريد التعامل مع هؤلاء البشر......لا أريد تضييع يوم أخر من عمري القصير في أشياء لا أحبها و لا أفهم ما الهدف منها و لا أرى لها عمقا يدفعني لتحملها.......هو فقط يوم فارغ اخر.......مثل اللي سبقه و اللذي يليه.....يا الهي.......لم أعد أحتمل.....أنا فقط أريد أن أتوقف و لا أريد أن أكمل......و لا يوما واحدا اخر.......الم يكفي ما كان؟؟؟؟
مصر مليانه مسلمين يكفروا
:@ :@
teeeeeeeeeeeeeeeeeeeet

الخميس، 7 يناير 2010

كيمياء السعادة--الامام الغزالي

بداية انا مش قريت الكتاب لكن سمعت الشيخ حمزه بيقراه على شريط ......طبعا هو قال كلام كتير بس اللي علق معايا اخر جزء
بيتكلم عن العالم و ان احنا شايفينه غلط و ان احنا فاكرين نفسنا عايشين في الواقع بس ده مش حقيقي و ان في عالم تاني خالص غير اللي احنا شايفينه بعنينا و حاسينه بحواسنا.....يعني مثلا انت لما تشوف شجرة بتبقى فاكر انك فاهم يعني ايه شجرة بس انت مش فاهم ولا حاجة......لان الحواس بتاعتك متضررة من اضرار العالم المادي و بالتالي بقيت رؤيتها مشوهة و بقيت بتشوف غلط.....زي ما في مرايه سليمه بتطلع الصورة مظبوطة و مرايه بايظة بتطلعك طويل شوية او عريض شويه
المشكلة ان احنا دلوقتي مش بقينا بنحرس حواسنا و قلبنا بالذات عشان نحافظ على سلامتهم....لأ بقينا بنعرضهم لكل الحاجات اللي بتضرهم
كمان قال ان في مرحلة معينه بيوصلها ناس قليلين من اللي روحانيتهم عالية جدا(زي مرابط الحاج في موريتانيا و هو من اعلم علماء المسلمين في العصر ده) او الشيخ عبدالله بن بيه(من موريتانيا برضه) ......بتخليهم يقدروا يشوفوا العالم على حقيقته......
و ان في حالة معينة اسمها حالة(حاضر-غائب) بيوصلها الانسان اللي هو بيبقى في ذكر دائم لله
طبعا الكلام ده انا و لا حتى قريبة منه بس هو شد انتباهي جدا جدا جدا خاصة جزئية ان احنا شايفين العالم غلط و ان في عالم تاني غير اللي احنا شايفينه......انا بجد باحاول اعرف اكتر عن الحاجات دي.....و باحاول اتعرف اكتر على مؤلفات الامام الغزالي

الأربعاء، 6 يناير 2010

المشكلة في قصر النظر 2

الحل هو التخطيط
ممكن نبدأ نخطط بأه؟؟؟؟؟؟يقعد يقولك أصل و فصل و يحوروا في الكلام و في الاخر ينسوا الموضوع
تيجي تقولهم طب نبدأ بحاجة ...طب ناخد خطوة.....طب أي حاجة؟؟؟تحاول تطلع بأي جملة مفيدة من الحوار مفيش.......تهريج تهريج تهرييييييييج.......طيب و اخرته ايه التهريج ده؟؟؟ما قلنا مش بيبصوا لقدام مش شايفين غير تحت رجليهم.......دي ناس مينفعش تتكلم معاها....مينفعش الحوار مش بيجيب نتيجة......لو كان هيجيب كان جاب.....لو كانوا هيعملوا حاجة كانوا عملوا.......بس هما مش عملوا و مش هيعملوا ان شاء الله.....يعني ايدك منهم و الارض.....مفيش حوار نو حوار نادا نينتى(يعني و لا حاجة بالاسباني و الايطالي) متتكلمش معاهم و انا بأكد على الجزء ده عشان في ناس محترمة و متربية و ولاد ناس بيقولوا الحوار بيجيب نتيجة و نحاول نقنعهم بوجهة نظرنا و بتاع و يضيعوا عمرهم في محاورة و احد مش واخد كلامهم جد و كل جملة يقلبها بهزار......كل جملة يقلبها نكتة
طب احنا نعمل ايه؟الكوارث جايه و هتيجي على دماغنا احنا قبل اي حد تاني......يا ربيييييي......الدنيا بتنهار و انا واقفه في مكاني
منعتمدش عليهم .......الحل:نعتمد على ربنا
منتحاور معاهم يعني منطلبش منهم.......الحل:نطلب من ربنا
و نستنى الفرج من ربنا؟؟؟؟طب انا معنديش حل بجد عشان انا اتعقدت و لو حد عارف حاجة يا ريت يقولهالي و هو ده كل اللي عندي!!!

المشكله في قصر النظر

الناس مش قادرة تبص لقدام.....مش قادرة تشوف العواقب......كله بيبص لتحت رجليه.......يعني انت ممكن تحل المشكلة اللي قصادك....لكن و بعدين؟؟هتحل واحدة هيطلعلك بعديها ستين واحدة و هتقضي عمرك كله بتفك في عقد عشان انت محلتش المشكلة الجذرية و لو مش حليت المشكله الجذرية يبقى كأنك معملتش حاجة......لكن اللي بيحل المشكلة اللي قدامه و يفضل مستريح شوية......كام يوم كده و بعدين تطلعله مشكله جديدة .......ده انسان متخدر....او هو بيخدر نفسه بقصد ....دي راحة مؤقته بتحصل بعديها كواااااااااااااااارث.....هي الناس اتعمت؟؟؟؟و لا هما اللي مش عايزين يشوفوا.......محدش بيبص لقدام ليه؟؟؟؟؟في كواااااااااارث جايه و كل حاجة بتحصل بتشير لأن في كواااااااااااااااااااارث و مصاااااااااااااايب مستنيانا و الناس يأما مطنشه بمزاجها يأما بتاخد حشيش و بانجو
يعني واحد نظره قصير نعمل في اييييييييييييه؟؟؟؟؟؟نسيبه يتفلق طبعا لكن لما يكون في موقع مسؤوليه و قصر نظره ده بيأثر على ناس تانية تحت سلطته بس مش في ايدهم يعملوا حاجة و عملوا اقصى ما يستطيعوا و شايفين العواقب و قاعدين يصوتوا و يقولوا المصايب جايه المصايب جايه حااااااااااااااااااااااااااااااااااااااااااااااااااااااااااااااااااااااااااسب المصيبة و هو و لا الهوا

يعني ده نعمل في ايييييييييه ده يعنيييييييييي؟؟؟؟؟؟؟؟؟؟واحد نظره قصير نعمل في ايييييييييييه؟لا حول و لا قوة الا بالله