الخميس، 4 فبراير، 2010

كالعاده باجري في وسط الضلمه زي المجنونه و مش شايفه قصادي و سرحانه في الخيال.......عديت الصاله و دخلت الصالون الضلماااااااه و مخدتش بالي ان السكيت بورد قدامي.....و فجأه طاااخ اتزحلقت و وقعت على وشي و سناني عورت بقي جامد.....اااااي....انا بقالي بتاع سنه معنديش سيطرة على تصرفاتي و لا تحكم بكلامي او افعالي و بيتهيألي ان مخي فقد السيطره على جسمي او ان عندي مخين متوازيين بيشتغلوا مع بعض و واحد فيهم انا واعيه بوجوده و واحد لأ......دايما اجري في البيت و مش حاسه بنفسي كأني في غيبوبه و فجأه .....طااااااااخ افوق الاقي نفسي واقعه على الارض او داخله في حيطه......حاجة غريبه جدا........ابو الخيال اللي عمل فيا كده .....اريد العوده الى ارض الواقع..........اعيدوني اعيدوني........
اااااااااي بقي بيوجعني اوي و اخواتي بيضحكوا عليا عشان باجري في البيت و انا مش حاسه.......حاجه كده زي sleepwalking بس في حالتي انا sleeprunning او awakerunning بما اني باكون صاحيه لكن مغيبه عن الوعي.......
احسن حاجه الشعور بعد ما اتهبد في الارض او ادخل في الحيطه او اتقلب على وشي........يعني في الاول باحس بوجع و بتاع و باكون عايزه اعيط لكن بعد كده باحس بهدوووووووووء و سكينه....حاجه مريحه جدا للأعصاب.....كل ما تلاقي نفسك متعصب اخبط نفسك في الحيطه(بجد مش هزار).........يلا معلش حصل خير.......

ليست هناك تعليقات:

إرسال تعليق